ავტორი: zurab chkonia

დღეიდან სამეცნიერო ჟურნალი „სამართლის მაცნე“ მსხვილ საერთაშორისო სამეცნიერო ბაზა  ISI (International scientific indexsing) – ში ინდექსირდება.

ვულოცავთ ჟურნალის საერთაშორისო წარმატებას გამომცემელი ორგანიზაციის „სამართლის მეცნიერთა კავშირის” წევრებს, ჟურნალის სარედაქციო კოლეგიას, რედაქტორებს, ავტორებს და იურიდიულ საზოგადოებას!

როგორც მოგეხსენებათ ISI გახლავთ სერვერი რომელიც ახდენს წამყვანი საერთაშორისო სამეცნიერო ჟურნალების ინდექსირებას. შემდგომში ISI უზრუნველყოფს „სამართლის მაცნეს“ იმპაქტ-ფაქტორის გამოთვლას.

ISI ასევე უზრუნველყოფს ღია წვდომის ხარისხიანი ჟურნალების ხელმისაწვდომობას. სერვერმა უნდა მოიცვას ღია წვდომის ყველა სამეცნიერო ჟურნალი, რომლებიც იყენებენ ხარისხის კონტროლის შესაბამის სისტემას.

ჟურნალი „სამართლის მაცნე“ აქტიურად აგრძელებს მუშაობას სხვა მაღალ რეიტინგულ საერთაშორისო სამეცნიერო ბაზებში ინდექსირებისა და იმპაქტ-ფაქტორის მოპოვებისათვის, ვინიდან სწორედ ჟურნალის საერთაშორისო სამეცნიერო ბაზებში ინტეგრაცია  ხელს შეუწყობს ჟურნალის პოპულარიზაციას, სამართლის დარგში მნიშვნელოვანი სამეცნიერო კვლევების წარმოჩენას,  ქვეყნის და საერთაშორისო საზოგადოებისათვის გაცნობას და აღნიშნული კვლევების საერთაშორისო ინტეგრაციას.

ISI – ს ვებგვერდი:  https://isindexing.com/isi/journaldetails.php?id=14343

სამართლის მეცნიერთა კავშირის ორგანიზებით იწყება საპილოტე პროექტი „ონლაინ სამეცნიერო დისკუსიები“, რომლის მიზანია სამართლის მეცნიერების განვითარების ხელშეწყობა სამართლის სფეროში გამოქვეყნებული ან გამოსაქვეყნებელი სამეცნიერო ნაშრომების (სტატია, დისერტაცია, მონოგრაფია, სახელმძღვანელო) პრეზენტაცია – სამეცნიერო დისკუსიის გზით.

გაცნობებთ, რომ ორშაბათს, 28 სექტემბერს, 12:00 ზე სამართლის მეცნერთა კავშირის ეგიდით გაიმართება ონლაინ დისკუსია თემაზე „თანამონაწილეობის სუბიექტური შემადგენლობის პრობლემური ასპექტები ქართულ და ამერიკულ სისხლის სამართალში“.  შეხვედრაზე წარმოდგენილი იქნება ქართული და ამერიკული სამართლის შესაბამისი ასპექტების შედარებითი მიმოხილვა, რის შემდეგაც გაიმართება დისკუსია. მონაწილეობის მსურველები შეგიძლიათ დაგვიკავშირდეთ მეილზე  info@lscientists.com და გამოგიგზავნით შეხვედრის დღის წესრიგს და ზუმის ლინკს, რისი მეშვეობითაც შეძლებთ მონაწილეობას დისკუსიაში.

სამართლის მეცნიერთა კავშირი სთავაზობს სამეცნიერო ნაშრომების ავტორებს სადისკუსიოდ წარმოადგინონ საკუთარი ნაშრომები, რომელთა აქტუალობის,  პრაქტიკული და სამეცნიერო მნიშვნელობის შეფასების შემდეგ სამართლის მეცნიერთა კავშირი მიიღებს გადაწყვეტილებას სამეცნიერო დისკუსიის მოწყობის თაობაზე. ვიმედოვნებთ რომ აღნიშნულ პროექტში მონაწილეობით დაინტერესდებიან სამართლის სხვადასხვა დარგის როგორც ახალგაზრდა, ასევე გამოცდილი მკვლევარები.

მიგვაჩნია, რომ პროექტი ხელს შეუწყობს სამართლის დარგში მნიშვნელოვანი სამეცნიერო კვლევების წარმოჩენას.

დისკუსიების სრული ვიდეო ჩანაწერი ხელმისაწვდომი იქნება როგორც youtube -ზე, ასევე სამართლის მეცნიერთა კავშირის ვებ-გვერდზე.

სამეცნიერო ჟურნალი „სამართლის მაცნე“ აცხადებს სტატიების კონკურსს ჟურნალის მეორე (დეკემბრის) ნომრისთვის.

ჟურნალი გამოდის ელექტრონული სახით და ქვეყნდება ვებგვერდზე: www.heraldoflaw.com
„სამართლის მაცნე“ გახლავთ „სამართლის მეცნიერთა კავშირი“ ს პერიოდული გამოცემა.

კონკურსის თემატიკა
ჟურნალში გამოქვეყნებისთვის, კონკურსზე მიიღება სამეცნიერო სტატიები, აქტუალურ საკითხებზე, სამართლის, ადამიანის უფლებების და სახელმწიფო მართვის თემაზე, რომლებიც შეიცავენ მეცნიერულ სიახლეს და აქვთ მაღალი სამეცნიერო ღირებულება.
ავტორები ჟურნალში გამოქვეყნებისთვის გამოცხადებულ კონკურსში, მიიღება სამართლის დარგის ქართველი და უცხოელი მეცნიერების/მკვლევარების და დოქტორანტების სამეცნიერო სტატიები.
გამონაკლის შემთხვევებში, კონკურსში მიიღება სხვა დარგის ავტორების სამეცნიერო სტატიები, ჟურნალის თემატიკაზე, მათი აქტუალობის, მნიშვნელობის და განსაკუთრებული სამეცნიერო ღირებულებების გათვალისწინებით.

სტატიების ენა
კონკურსზე შეიძლება წარმოდგენილ იქნას სამეცნიერო სტატიები ჟურნალში გამოსაქვეყნებლად, ქართულ, ინგლისურ, გერმანულ და რუსულ ენებზე (ინგლისურენოვან აბსტრაქტთან ერთად).
სტატიების წარმოდგენის ვადა
სტატიების წარმოდგენის ბოლო ვადაა 2020 წლის 31 ოქტომბერი.

საავტორო უფლებები
ჟურნალი იცავს შემოსულ და გამოქვეყნებულ მასალებზე მატერიალურ, თუ არამატერიალურ საავტორო უფლებებს.
ავტორი ვალდებულია სტატიის გამოქვეყნებამდე ნაშრომზე განსაკუთრებული უფლება გადასცეს რედაქციას, რედაქციის მიერ სტატიის გამოქვეყნების შესახებ გადაწყვეტილების მიღების შემთხვევაში, რაც უნდა დაადასტუროს შესაბამის განცხადებაზე ხელმოწერით ან/და რედაქციის მოთხოვნის შემთხვევაში შესაბამისი ლიცენზიის გადაცემით.

სტატიების მიღების წესი
კონკურსში მონაწილეობის მისაღებად, გთხოვთ სტატიები გამოაგზავნოთ შემდეგ ელექტრონულ ფოსტაზე: info@heraldoflaw.com.
სტატიის ატვირთვა და ჟურნალის ელ.ფოსტაზე გამოგზავნა შესაძლებელია ასევე ჟურნალის ვებგვერდზე.
ავტორი სტატიასთან ერთად, ასევე, აგზავნის მის შესახებ მოკლე ინფორმაციას და საკონტაქტო მონაცემებს, რომელიც შეინახება რედაქციის არქივში.
სტატია გამოგზავნილი უნდა იყოს დადგენილი სტატიების გაფორმების წესის შესაბამისად.
რედაქცია ამოწმებს წარდგენილი ნაშრომის შესაბამისობას, სტატიების გაფორმების დადგენილ წესთან.
რედაქცია არ მიიღებს და არ განიხილავს სტატიას, რომელიც არ იქნება ამ წესის დაცვით შესრულებული და რომელიც არ შეესაბამება სტატიების პუბლიკაციის ეთიკის სტანდარტებს. რედაქტორს, ასეთ შემთხვევაში, თუ საჭიროდ და შესაძლებლად ჩათვლის რეცენზენტებთან გაგზავნამდე, შეუძლია ავტორს მისცეს რეკომენდაციები და შესთავაზოს სტატიის გაფორმება დადგენილი წესის შესაბამისად, რისთვისაც მას განუსაზღვრავს დროს. ავტორის მიერ რედაქციის რეკომენდაციების სრულად გათვალისწინების შემთხვევაში, სტატია მიიღება განსახილველად.
სტატიის ჟურნალის რედაქციაში გამოგზავნით, ავტორი ადასტურებს, რომ ის გაცნობილია და ეთანხმება ჟურნალის სტატიების პუბლიკაციის ეთიკას, კონცეფციას, კონკურსის ჩატარების და სტატიების გაფორმების წესს.
ავტორმა, ჟურნალში სტატიის გამოქვეყნებამდე, საკონტაქტო ინფორმაციის შეცვლის შემთხვევაში, დროულად უნდა აცნობოს
მისი ახალი საკონტაქტო ინფორმაცია. წინააღმდეგ შემთხვევაში, ნებისმიერი შეტყობინება გაიგზავნება თავდაპირველ ელექტრონულ მისამართზე ან მის საკონტაქტო ტელეფონზე და ჩაითვლება ჩაბარებულად.
რედაქციის პასუხისმგებელი თანამშრომელი თავად დაუკავშირდება სტატიის ავტორს (რამდენიმე ავტორის მიერ წარმოდგენილი სტატიის შეთხვევაში კი ერთ -ერთ ავტორს).

სტატიების განხილვის წესი

ავტორის მიერ გამოსაქვეყნებლად წარდგენილი სტატია, შესაფასებლად, ეგზავნება ორ რეცენზენტს, რომელსაც ირჩევს მთავარი რედაქტორი ან მისი დავალებით რედაქტორი.
რეცენზირება ხდება სტატიის რეცენზირების დადგენილი წესის თანახმად.
სტატიის რეცენზირება წარმატებით გავლილად მიიჩნევა, ორივე დადებითი რეცენზიის მიღების შემთხვევაში.
კონკურსის შედეგები
ჟურნალში გამოქვეყნდება ის სტატიები, რომლებიც მიიღებენ ყველაზე მაღალ ქულებს რეცენზირების შედეგად.
ჟურნალში გამოქვეყნდება სულ 15 სამეცნიერო სტატია.
სტატიების კონკურსს მიღმა დარჩენილი ნაშრომები, მათი ავტორების თანხმობის შემთხვევაში, მიიღებენ მონაწილეობას შემდეგ გამოცემისთვის გამოცხადებულ სტატიების კონკურსში. ამისთვის ავტორებს აღარ დასჭირდებათ თავიდან ამ სტატიების რედაქციაში გამოგზავნა. ასევე, აღნიშნული სტატიები აღარ გაივლიან რეცენზირებას და მათ უნარჩუნდებათ წინა კონკურსში რეცენზენტების მიერ შეფასებული ქულები.
დამატებითი ინფორმაციისთვის დაგვიკავშირდით: მობ. 599177573; ელ-ფოსტა: info@heraldoflaw.com

გამოიცა საერთაშორისო სამეცნიერო ჟურნალი „სამართლის მაცნეს“ პირველი ნომერი. ჟურნალი გახლავთ „სამართლის მეცნიერთა კავშირის“ გამოცემა.

ჟურნალი გამოდის ელექტრონული ფორმით და ქვეყნდება ჟურნალის ოფიციალურ ვებ. გვერდზე Heraldoflaw.com

ჟურნალში გამოქვეყნებული სტატიები სრული ტექსტი ხელმისაწვდომია ნებისმიერი დაინტერესებული პირისათვის.

ჟურნალში სტატიების გამოქვეყნება უსასყიდლოა.

 

 

სამართლის მეცნიერთა კავშირის წევრს, პროფესორ ჯემალ გახოკიძეს, საქართველოს ტექნიკური უნივერსიტეტის რექტორის გადაწყვეტილებით, მიენიჭა აკადემიკოს გურამ ნაჭყებიას სახელობის ჯილდო და პრემიის სახით გადაეცა 2000 ლარი. ბატონ ჯემალს ვულოცავთ ამ  წარმატებას.

აღსანიშნავია, რომ აკადემიკოსი გურამ ნაჭყებია გახლდათ სამართლის მეცნიერთა კავშირის წევრი.

სამართლის მეცნიერთა კავშირის წევრი, სამართლის დოქტორი გოჩა ოჩიგავა არჩეულ იქნა საერთაშორისო სამეცნიერო ჟურნალის „გერმანიაში განათლებისა და სამეცნიერო ინფორმაციის საერთაშორისო ცენტრის მაცნე“-ს (დუსელდორფი)  სარედაქციო – სამეცნიერო საბჭოს წევრად.

ბატონი გოჩა ოჩიგავა გახლავთ აღნიშნული ჟურნალის გამომცემელი ორგანიზაციის ოფიციალური წარმომადგენელი საქართველოში.

გამოიცა სამართლის მეცნიერთა კავშირის წევრის, პროფესორ გიორგი გ. თუმანიშვილის ახალი წიგნი, სახელწოდებით: რთული მნიშვნელობების მარტივი თეორია (STDM) როგორ არის შესაძლებელი ადამიანის ,,მეს’’ დიგიტალიზაცია და სხვაგან გადატანა, ანუ – უკვდავება.

წიგნი წარმოადგენს ინტერდისციპლინურ კვლევას ფსიქოლოგიის, ნეირომეცნიერებების, კვანტური მექანიკისა და ფილოსოფიის მეცნიერებებში.

წიგნი ეხება ადამიანის ,,მეს’’ კომპლექსურ, შინაარსობრივ და სტრუქტურულ შესწავლას ინტერდისციპლინურ (ფილოსოფია, ფსიქოლოგია, კვანტური მექანიკა, ნეირომეცნიერებები) ჭრილში. ნაშრომში განხილულია ადამიანის ფსიქიკის აგებულების კლასიკური და თანამედროვე მოდელები და მიდგომები ადამიანის ,,მეს’’ შესახებ. ,,რთული მნიშვნელობების მარტივი თეორია’’ (STDM – Simple Theory of Difficult Meanings) წარმოადგენს ფსიქოლოგიის, ფილოსოფიის, ნეიროფიზიოლოგიის, ნეიროქიმიის, კვანტური ფიზიკისა და ნეიროკვანტოლოგიის ინტერდისციპლინარულ, ახალ კონსტრუქტს, რომელიც ცდილობს ახლებურად ახსნას ადამიანის ,,მეს’’ ბუნება და თეორიული განზოგადების პირობებში (მომავალში) შესაძლებელს გახდის ადამიანის ,,მეს’’ შემადგენელი მაფორმირებელი ელემენტების დიგიტალიზაციას. ნაშრომში შემოთავაზებულია ადამიანის ,,მეს’’ დიგიტალიზაციის შესაძლებლობის თეორიული საფუძვლები და მისი შემადგენელი შესაბამისი ინფორმაციული ნაკადების ტრანსლირების სხვა მექანიკურ (მატერიალურ) მატარებელზე ტრანსფერისათვის აუცილებელი კომპონენტები.

განხილულია თვითაღქმის უწყვეტობის საკითხები ძილის, კომის, ცნობიერების ,,შეცვლილი’’ სხვა მდგომარეობების დროს და შემდგომ. ნაშრომი აფართოებს დღევანდელი დღისათვის საკვლევ საკითხებთან დაკავშირებით არსებულ ინტერდისციპლინურ ცოდნას და ქმნის ახალ შესაძლებლობებს როგორც მომავალი კვლევისათვის, ისე ამ კვლევაში მოცემული თეორიული კონცეფციების პრაქტიკული რეალიზებისათვის.

ავტორმა წიგნის ელექტრონული ვერსია ხელმისაწვდომი გახადა ნებისმიერი დაინტერესებული პირისათვის სრულებით უფასოდ.

წიგნის სანახავად გადადით ბმულზე

სამეცნიერო ჟურნალი „სამართლის მაცნე“ აცხადებს სტატიების კონკურსს ჟურნალის პირველი ნომრისთვის.
ჟურნალი გამოდის ელექტრონული სახით და ქვეყნდება ვებგვერდზე: www.heraldoflaw.com

„სამართლის მაცნე“ გახლავთ „სამართლის მეცნიერთა კავშირი“- ს პერიოდული გამოცემა.

კონკურსის თემატიკა

ჟურნალში გამოქვეყნებისთვის, კონკურსზე მიიღება სამეცნიერო სტატიები, აქტუალურ საკითხებზე, სამართლის, ადამიანის უფლებების და სახელმწიფო მართვის თემაზე, რომლებიც შეიცავენ მეცნიერულ სიახლეს და აქვთ მაღალი სამეცნიერო ღირებულება.

ავტორები

ჟურნალში გამოქვეყნებისთვის გამოცხადებულ კონკურსში, მიიღება სამართლის დარგის ქართველი და უცხოელი მეცნიერების/მკვლევარების და დოქტორანტების სამეცნიერო სტატიები.

გამონაკლის შემთხვევებში, კონკურსში მიიღება სხვა დარგის ავტორების სამეცნიერო სტატიები, ჟურნალის თემატიკაზე, მათი აქტუალობის, მნიშვნელობის და განსაკუთრებული სამეცნიერო ღირებულებების გათვალისწინებით.

სტატიების ენა

კონკურსზე შეიძლება წარმოდგენილ იქნას სამეცნიერო სტატიები ჟურნალში გამოსაქვეყნებლად, ქართულ და ინგლისურ ენებზე (ინგლისურენოვანი აბსტრაქტის და ინგლისურ ენაზე ნათარგმნი გამოყენებული ლიტერატურის და შენიშვნების (Notes) თანხლებით).

სტატიების წარმოდგენის ვადა

სტატიების წარმოდგენის ბოლო ვადაა 2020 წლის 1 მაისი.

სტატიების მიღების წესი

კონკურსში მონაწილეობის მისაღებად, გთხოვთ სტატიები გამოაგზავნოთ შემდეგ ელექტრონულ ფოსტაზე: info@heraldoflaw.com.
სტატიის ატვირთვა და ჟურნალის ელ.ფოსტაზე გამოგზავნა შესაძლებელია ასევე ჟურნალის ვებგვერდზე.

ავტორი სტატიასთან ერთად, ასევე, აგზავნის მის შესახებ მოკლე ინფორმაციას და საკონტაქტო მონაცემებს, რომელიც შეინახება რედაქციის არქივში.

სტატია გამოგზავნილი უნდა იყოს დადგენილი სტატიების გაფორმების წესის შესაბამისად.

რედაქცია ამოწმებს წარდგენილი ნაშრომის შესაბამისობას, სტატიების გაფორმების დადგენილ წესთან.

რედაქცია არ მიიღებს და არ განიხილავს სტატიას, რომელიც არ იქნება ამ წესის დაცვით შესრულებული და რომელიც არ შეესაბამება სტატიების პუბლიკაციის ეთიკის სტანდარტებს. რედაქტორს, ასეთ შემთხვევაში, თუ საჭიროდ და შესაძლებლად ჩათვლის რეცენზენტებთან გაგზავნამდე, შეუძლია ავტორს მისცეს რეკომენდაციები და შესთავაზოს სტატიის გაფორმება დადგენილი წესის შესაბამისად, რისთვისაც მას განუსაზღვრავს დროს. ავტორის მიერ რედაქციის რეკომენდაციების სრულად გათვალისწინების შემთხვევაში, სტატია მიიღება განსახილველად.

სტატიის ჟურნალის რედაქციაში გამოგზავნით, ავტორი ადასტურებს, რომ ის გაცნობილია და ეთანხმება ჟურნალის სტატიების პუბლიკაციის ეთიკას, კონცეფციას, კონკურსის ჩატარების და სტატიების გაფორმების წესს.

სტატიის გამოქვეყნების შემთხვევაში, ავტორი ნაშრომზე განსაკუთრებულ უფლებას გადასცემს რედაქციას.

ავტორმა, ჟურნალში სტატიის გამოქვეყნებამდე, საკონტაქტო ინფორმაციის შეცვლის შემთხვევაში, დროულად უნდა აცნობოს

მისი ახალი საკონტაქტო ინფორმაცია. წინააღმდეგ შემთხვევაში, ნებისმიერი შეტყობინება გაიგზავნება თავდაპირველ ელექტრონულ მისამართზე ან მის საკონტაქტო ტელეფონზე და ჩაითვლება ჩაბარებულად.

რედაქციის პასუხისმგებელი თანამშრომელი თავად დაუკავშირდება სტატიის ავტორს (რამდენიმე ავტორის მიერ წარმოდგენილი სტატიის შეთხვევაში კი ერთ -ერთ ავტორს).

სტატიების განხილვის წესი

ავტორის მიერ გამოსაქვეყნებლად წარდგენილი სტატია, შესაფასებლად, ეგზავნება ორ რეცენზენტს, რომელსაც ირჩევს მთავარი რედაქტორი ან მისი დავალებით რედაქტორი.

რეცენზირება ხდება სტატიის რეცენზირების დადგენილი წესის თანახმად.

სტატიის რეცენზირება წარმატებით გავლილად მიიჩნევა, ორივე დადებითი რეცენზიის მიღების შემთხვევაში.

კონკურსის შედეგები

ჟურნალში გამოქვეყნდება ის სტატიები, რომლებიც მიიღებენ ყველაზე მაღალ ქულებს რეცენზირების შედეგად.

ჟურნალში გამოქვეყნდება სულ 15 სამეცნიერო სტატია.

სტატიების კონკურსს მიღმა დარჩენილი ნაშრომები, მათი ავტორების თანხმობის შემთხვევაში, მიიღებენ მონაწილეობას შემდეგ გამოცემისთვის გამოცხადებულ სტატიების კონკურსში. ამისთვის ავტორებს აღარ დასჭირდებათ თავიდან ამ სტატიების რედაქციაში გამოგზავნა. ასევე, აღნიშნული სტატიები აღარ გაივლიან რეცენზირებას და მათ უნარჩუნდებათ წინა

კონკურსში რეცენზენტების მიერ შეფასებული ქულები.

დამატებითი ინფორმაციისთვის დაგვიკავშირდით: მობ. 599177573; 597754190; ელ-ფოსტა: info@heraldoflaw.com

სამეცნიერო ჟურნალი „სამართლის მაცნე“-ს მთავარი რედაქტორის ზურაბ ჭყონიას გადაწყვეტილებით, ჟურნალის რედაქტორად დაინიშნა კავშირის წევრი, ქალბატონო მაია ცქიტიშვილი.
მთავარი რედაქტორი ზურაბ ჭყონია, სარედაქციო კოლეგიის სახელით, ქალბატონ მაია ცქიტიშვილს ულოცავს ჟურნალის რედაქტორად დანიშვნას.

 

2 მარტს სამართლის მეცნიერთა კავშირსა და მილენიუმი სასწავლო უნივერსიტეტს შორის ურთიერთანამშრომლობის მემორანდუმი გაფორმდა. შეხვედრისას მხარეებმა დაგეგმეს ერთობლივი სამეცნიერო ღონისძიებები.

მემორანდუმის ფარგლებში უნივერსიტეტმა გადაწყვიტა სამართლის მეცნიერთა კავშირის ახალი საერთაშორისო სამეცნიერო ჟურნალი “სამართლის მაცნე”-ს გამოცემის ფინანსური უზრუნველყოფა. სამართლის მეცნიერთა კავშირის თავმჯდომარე, ზურაბ ჭყონია, კავშირის სახელით მადლობას უხდის მილენიუმი სასწავლო უნივერსიტეტის რექტორს, ქალბატონ მარიამ მესხიშვილი-ეფაძეს მხარდაჭერისთვის.

 

აღნიშნული სიახლე იხილეთ უნივერსიტეტის ვებ-გვერდზეც