ავტორი: zurab chkonia

2024 წლის 27 ივნისს სამართლის მეცნიერთა კავშირის ორგანიზებით გაიმართება ონლაინ საერთაშორისო სამეცნიერო დისკუსია „უცხოური გავლენის გამჭვირვალობის შესახებ კანონმდებლობა სამოქალაქო საზოგადოების და ადამიანის უფლებათა ჭრილში.“

ღონისძიებაზე განხილული იქნება უცხოური გავლენის გამჭვირვალობის კანონმდებლობის მოდელები, ქართულ კანონთან დაკავშირებით ვენეციის კომისიის და ეუთოს დასკვნები და კანონის მიღებასთან დაკავშირებული საპარლამენტო დებატები.

ღონისძიება გახლავთ საქართველოში აღნიშნული თემის სამეცნიერო დისკუსიაზე გამოტანის პირველი მცდელობა.

ორგანიზატორი – ა(ა)იპ „სამართლის მეცნიერთა კავშირი“

ღონისძიების თარიღი – 27.06.2024

დრო –  18:00 სთ.

ღონისძიება გაიმართება ონლაინ, ზუმის პლატფორმით.

სამუშაო ენები: ინგლისური და ქართული. უზრუნველყოფილი იქნება სინქრონული თარგმანი.

მომხსენებლები:

ნიკ რობინსონი, არასამეწარმეო სამართლის საერთაშორისო ცენტრის (ICNL) უფროსი მრჩეველი სამართლებრივ საკითხებში (აშშ). მისი კვლევები ეხება უცხოური გავლენის კანონმდებლობის და სამოქალაქო სექტორის ურთიერთმიმართების საკითხს. იგი მოხსენებით წარსდგა აშშ-ს კონგრესში ამერიკულ ფარაში („FARA”) არსებულ გამოწვევებთან დაკავშირებით. მისი კვლევა გამოქვეყნდა უამრავ აკადემიურ ჟურნალში, მათ შორის, Duke Law Journal, Cornell Law Review და Minnesota Law Review-ში.

მოხსენების თემა: უცხოური გავლენის გამჭვირვალობის შესახებ კანონმდებლობა და სამოქალაქო საზოგადოება – შედარებითი მიმოხილვა.

კახა წიქარიშვილი, სამართლის მეცნიერთა კავშირის წევრი, საქართველოს საზოგადოებრივ საქმეთა ინსტიტუტის პროფესორი. იგი არის არაერთი სამეცნიერო სტატიის ავტორი.

მოხსენების თემა: ვენეციის კომისიის და ეუთოს დასკვნები უცხოური გამჭვირვალობის შესახებ საქართველოს კანონზე; კანონპროექტის განხილვასთან დაკავშირებული საპარლამენტო დებატები.

თითოეული მოხსენების შემდეგ გაიმართება დისკუსია.

ღონისძიების სრული ვიდეო ჩანაწერი ხელმისაწვდომი იქნება როგორც youtube -ზე, ასევე „სამართლის მეცნიერთა კავშირის“ ვებ-გვერდზე.

ღონისძიების დღის წესრიგი

დღეს, 2024 წლის 24 მარტს, ქართულ-ევროპული აკადემია ვეტოს ოფისში, გაიმართა „სამართლის მეცნიერთა კავშირის“ წევრთა განმეორებითი საერთო კრება. კრებაზე სარევიზიო კომისიამ წარადგინა დეტალური ანგარიში კავშირის საფინანსო საქმიანობის თაობაზე, კავშირის დაფუძნებიდან, კერძოდ, 2014 წლიდან 2024 წლის იანვრის ჩათვლით. კრებამ სარევიზიო კომისიის ანგარიშის საფუძველზე ერთხმად დადებითად შეაფასა კავშირის საფინანსო საქმიანობა.

კრებაზე ერთხმად მიღებულ იქნა გადაწყვეტილება კავშირის წესდებაში ცვლილებების შეტანის შესახებ. სხვა ცვლილებებთან ერთად წესდებაში შევიდა ცვლილება, რომლის თანახმადაც კავშირის გამგეობის წევრთა რაოდენობა გაიზარდა ხუთიდან შვიდ წევრადმე.

კრებაზე არჩეულ იქნა 5 წლის ვადით კავშირის გამგეობა შემდეგი შემადგენლობით: ზურაბ ჭყონია, არჩილ ლორია, როინ მიგრიაული, ინგა ბერიძე, გია ლილუაშვილი, შალვა ქურდაძე და კახა წიქარიშვილი.

იმავე დღეს სამართლის მეცნიერთა კავშირის ახალი გამგეობის მიერ კავშირის თავმჯდომარედ და გამგეობის თავმჯდომარედ არჩეულ იქნა კავშირის მოქმედი თავმჯდომარე ზურაბ ჭყონია.

კრებაზე განხილულ იქნა დღის წესრიგით განსაზღვრული სხვა საკითხები.

„სამართლის მეცნიერთა კავშირი“ მადლობას უხდის “ქართულ-ევროპული აკადემია ვეტოს” დამფუძნებელს, ქალბატონ თამარ ვეფხვაძეს მხარდაჭერისთვის.

2024 წლის 2 მარტს „სამართლის მეცნიერთა კავშირის“ ორგანიზებით ზუმის პლატფორმის მეშვეობით გაიმართა ონლაინ სამეცნიერო დისკუსიაზე თემაზე „სასამართლოში საქმის განხილვის დაჩქარების მექანიზმები-საერთაშორისო გამოცდილება და ქართული   კანონმდებლობა.“

მომხსენებით წარსდგენ სამართლის მეცნიერთა კავშირის წევრები, პროფესორები კახა წიქარიშვილი და შალვა ქურდაძე.

მოხსენებების ბოლოს გაიმართება დისკუსია.

დისკუსიაში მონაწლეობდნენ სამეცნიერო წრეების, უნივერისტეტების, არასამთავრობო ორგანიზაციების წარმომადგენლები და ადვოკატები.

ღონისძიების სრული ვიდეო ჩანაწერი ხელმისაწვდომია როგორც youtube -ზე, ასევე ამ ბმულზე 

„სამართლის მეცნიერთა კავშირი“ გიწვევთ სამეცნიერო წრეების, უნივერსიტეტების და ხელისუფლების წარმომადგენლებს, ადვოკატებს, მოსამართლეებს, პროკურორებს და პრაქტიკოს იურისტებს სამეცნიერო დისკუსიაზე თემაზე „სასამართლოში საქმის განხილვის დაჩქარების მექანიზმები-საერთაშორისო გამოცდილება და ქართული   კანონმდებლობა.“

ორგანიზატორი – ა(ა)იპ „სამართლის მეცნიერთა კავშირი“

ღონისძიების თარიღი – 02.03.2024

დრო –  12:00 სთ.

ღონისძიება გაიმართება ონლაინ, ზუმის პლატფორმით.

მომხსენებლები:

საქმეთა გაჭიანურების მიზეზები, საქმეთა დაჩქარების საერთაშორისო სტანდარტები – კახა წიქარიშვილი, საზოგადოებრივ საქმეთა ინსტიტუტის სამართლისა და პოლიტიკის სკოლის პროფესორი, სამართლის მეცნიერთა კავშირის წევრი.

საქმის დაჩქარების სამართლებრივი მექანიზმები საქართველოში – შალვა ქურდაძე, სამართლის დოქტორი, ანდრიას ქართული უნივერსიტეტის პროფესორი, სამართლის მეცნიერთა კავშირის გამგეობის წევრი.

მოხსენებების ბოლოს გაიმართება დისკუსია.

ღონისძიების სრული ვიდეო ჩანაწერი ხელმისაწვდომი იქნება როგორც youtube -ზე, ასევე „სამართლის მეცნიერთა კავშირის“ ვებ-გვერდზე.

მონაწილეობის მსურველები შეგიძლიათ დარეგისტრირდეთ 2024 წლის 29 თებერვლის ჩათვლით ქვემოთ განთავსებულ სარეგისტრაციო ბმულზე, რის შემდეგაც გამოგიგზავნით შეხვედრის ბმულს, რომლის მეშვეობითაც შეძლებთ მონაწილეობას ღონისძიებაში.

სარეგისტრაციო ბმული:

https://docs.google.com/forms/d/e/1FAIpQLSeAStGkmvz623cxDFekaAy2bXzHPlrzc_1gLCYEgujhKSiVAw/viewform?pli=1

„სამართლის მეცნიერთა კავშირსა“ და   მ. აუზოვის სახ. სამხრეთ ყაზახეთის უნივერსიტეტს შორის, რომელიც მდებარეობს ქალაქ შიმკენტში, ურთიერთთანამშრომლობის მემორანდუმი გაფორმდა.

მემორანდუმიდან გამომდინარე იგეგმება აქტიური თანამშრომლობა კერძოდ, სამეცნიერო კვლევების და უმაღლესი განათლების სფეროში სამეცნიერო კონფერენციების, სემინარების, დისკუსიების, ერთობლივად ორგანიზება და ჩატარება.

9 ნოემბერს, გრიგოლ რობაქიძის უნივერსიტეტში, მეცნიერების საერთაშორისო დღესთან დაკავშირებით გამართულ ღონისძიებაზე მიწვეულმა “სამართლის მეცნიერთა კავშირის” თავმჯდომარემ, ზურაბ ჭყონიამ, სიტყვით მიმართა შეხვედრის მონაწილე სამეცნიერო წრეების წარმომადგენლებს. ზურაბ ჭყონიამ მათ მიულოცა მეცნიერების საერთაშორისო დღე და ისაუბრა მეცნიერების და მისი განვითარების ხელშეწყობის და ამ მიზნით კავშირის და რობაქიძის უნივერსიტეტის თანამშრომლობის მნიშვნელობაზე.

დასასრულს ზურაბ ჭყონიამ  უნივერსიტეტის პრორექტორს, ბატონ ვახტანგ ჭარაიას, ოფიციალურად გადასცა “სამართლის მეცნიერთა კავშირის” სახელით, გრიგოლ რობაქიძის უნივერსიტეტის სახელზე გაცემული ჯილდო/საპატიო სიგელი – კავშირის საქმიანობის ხელშეწყობისათვის.

“სამართლის მეცნიერთა კავშირის” განვითარებაში შეტანილი წვლილისთვის კავშირის საპატიო სიგელით დაჯილდოვდა კავშირის წევრი და რობაქიძის უნივერსიტეტის ასოცირებული პროფესორი გოჩა ოჩიგავა.

მეცნიერების საერთაშორისო დღე გრუნიში (gruni.edu.ge)

21 ოქტომბერს, აღმოსავლეთ უნივერსიტეტის საკონფერენციო დარბაზში შედგა „სამართლის მეცნიერთა კავშირის“ წევრთა მორიგი შეხვედრა. კავშირის თავმჯდომარე ზურაბ ჭყონიამ, გააკეთა გაწეული საქმიანობის შესახებ ანგარიში და ისაუბრა არსებულ გამოწვევებზე. დასასრულს გაიმართა დაჯილდოვების ცერემონიალი.

საპატიო სიგელებით სამართლის მეცნიერების განვითარებაში შეტანილი განსაკუთრებული წვლილისთვის დაჯილდოვდნენ ღვაწლმოსილი მეცნიერები – ოთარ გამყრელიძე და გია მეფარიშვილი.

კავშირის განვითარებაში შეტანილი განსაკუთრებული წვლილისთვის საპატიო სიგელებით დაჯილდოვდნენ კახა წიქარიშვილი და მაია ცქიტიშვილი, ხოლო კავშირის საქმიანობაში შეტანილი წვლილისთვის კავშირის წევრები – ქეთევან მჭედლიშვილი-ჰერდიხი, როინ მიგრიაული, დოდო ჯულუხაძე, გოჩა ოჩიგავა, ზუხრა მაცაბერიძე, თამარ ვეფხვაძე ლიკა ჭიღლაშვილი, ნინო ბოჭორიშვილი, ირმა მერებაშვილი და ბაკურ ლილუაშვილი.

კავშირის საქმიანობის ხელშეწყობისათვის საპატიო სიგელებით დაჯილდოვდნენ ასევე აღმოსავლეთ ევროპის უნივერსიტეტი, გრიგოლ რობაქიძის უნივერსიტეტი, თბილისის სასწავლო ჰუმანიტარული უნივერსიტეტი, ქართულ-ევროპული განათლების აკადემია ვეტო, სასწავლო ცენტრი “ინტელექტი” და ადვოკატი დიმიტრი გაბუნია.

კავშირი მადლობას უხდის აღმოსავლეთ ევროპის უნივერსიტეტს მხარდაჭერისთვის.

„სამართლის მეცნიერთა კავშირის“ რიგებს ყაზახეთიდან ცნობილი მეცნიერი ელენა მიცკაია შემოუერთდა.

ელენა მიცკაია გახლავთ იურიდიულ მეცნიერებათა დოქტორი, სამხრეთ ყაზახეთის მ. აუზოვის სახ. უნივერსიტეტის სისხლის სამართლის და პროცესის კათედრის პროფესორი, ყაზახეთის სპეციალიზირებული ეკონომიკური სასამართლოს არბიტრი, იურიდიულ კონსულტანტთა პალატა „ევრაზია ლეგალ გრუპის“ წევრი და სამეცნიერო ჟურნალ „სამართლის მაცნეს“ სარედაქციო კოლეგიის წევრი.

ელენა მიცკაია არის 150 სამეცნიერო ნაშრომის, 5 მონოგრაფიის,  5 სახელმძღვანელოს და 5 დამხმარე სახელმძღვანელოს ავტორი.