კატეგორია: სიახლეები

2022 წლის 20 მარტს „სამართლის მეცნიერთა კავშირის“ და „თინათინ წერეთლის სახელობის სახელმწიფოსა და სამართლის ინსტიტუტის“ თანაორგანიზებით გაიმართა „სამართლის მეცნიერთა კავშირის“ თანადამფუძნებელი წევრის, ქართული სამართლის მეცნიერების კორიფე, პროფესორ ოთარ გამყრელიძის 90 წლისადმი მიძღვნილი საიუბილეო საღამო.

ღონისძიება გაიმართა პლათფორმა ზუმის მეშვეობით.

საიუბილეო საღამოს ესწრებოდნენ ქართული სამართლის მეცნიერების თვალსაჩინო მოღვაწეები, სამეცნიერო ორგანიზაციების, უნივერსიტეტების, სასამართლო, საკანონმდებლო და აღმასრულებელი ხელისუფლებების, ასევე არასამთავრობო ორგანიზაციების წარმომადგენლები.

ღონისძიებას უძღვებოდა პროფესორი მინდია უგრეხელიძე.

შეხვედრა გახსნა „სამართლის მეცნიერთა კავშირის“ თავმჯდომარემ ზურაბ ჭყონიამ და ბატონ ოთარ გამყრელიძეს მიულოცა იუბილე. ზურაბ ჭყონიამ, რომელიც ასევე „სამართლის მეცნიერთა კავშირის“ გამოცემა საერთაშორისო სამეცნიერო ჟურნალ „სამართლის მაცნეს“ მთავარი რედაქტორია, აღნიშნა, რომ „სამართლის მეცნიერთა კავშირი“ გეგმავს ბატონი ოთარ გამყრელიძის 90 წლის იუბილესადმი მიძღვნილ ჟურნალ ,,სამართლის მაცნეს“ სპეციალური საიუბილეო ნომრის გამოცემას. მან ასევე დამსწრეებს აცნობა, რომ გამომცემელი ღიაა თანამშრომლობისათვის და მიესალმება ნებისმიერ მხარდაჭერას საიუბილეო ნორმის გამოცემასთან დაკავშირებით. ბატონ ოთარ გამყრელიძეს იუბილე მიულოცა ასევე „თინათინ წერეთლის სახელობის სახელმწიფოსა და სამართლის ინსტიტუტის“ დირექტორმა, ბატონმა ლაშა ბრეგვაძემ, რომელმაც ისაუბრა ბატონი ოთარ გამყრელიძის ღვაწლზე.

ბატონი ოთარ გამრელიძის პიროვნებაზე, ღვაწლსა და შემოქმედებაზე ისაუბრეს: ბატონმა მინდია უგრეხელიძემ, საქართველოს საკონსტიტუციო სასამართლოს თავმჯდომარე- ბატონმა მერაბ ტურავამ, ევროპის ადამიანის უფლებათა სასამართლოს მოსამართლემ – ბატონმა ლადო ჭანტურიამ, პროფესორებმა: დავით სულაქველიძემ, ქეთევან მჭედლიშვილი-ჰედრიხმა, დოდო ჯულუხაძემ, გოგი თოდრიამ, ნონა თოდუამ, ედიშერ ფუტკარაძემ, გივი ლობჟანიძემ, ფრაიბურგის „მსოფლიო და საერთაშორისო სისხლის სამართლის მაქს პლანკის ინსტიტუტის“ სახელით – პროფესორმა ელენე წიკლაური-ლამიხმა, გრიგოლ რობაქიძის სახელობის უნივერსიტეტის რექტორმა – ბატონმა მამუკა თავხელიძემ, პერსონალურ მონაცემთა დაცვის სამსახურის უფროსმა- ქალბატონმა ლელა ჯანაშვილმა, საქართველოს ადვოკატთა ასოციაციის თავმჯდომარემ – ბატონმა დავით ასათიანმა, საქართველოს პარლამენტის იურიდიულ საკითხთა კომიტეტის თავმჯდომარემ – ბატონმა ანრი ოხანაშვილმა და „მართლმსაჯულების სახლის“ ხელმძღვანელმა – ქალბატონმა ეკა ბესელიამ.

გრიგოლ რობაქიძის უნივერსიტეტის სახელით- მისმა რექტორმა, ბატონმა მამუკა თავხელიძემ იუბილარს, ქართული სამართლის მეცნიერების განვითარებაში შეტანილი  წვლილისათვის, ოფიციალურად გადასცა უნივერსიტეტის სახელით საპატიო დოქტორის დიპლომი.

დასასრულს,  იუბილარმა ღონისძიების ყველა მონაწილისადმი გამოხატა მადლიერება.

საიუბილეო საღამოს სრული ვიდეო ჩანაწერი ხელმისაწვდომია „სამართლის მეცნიერთა კავშირის” ვებგვერდსა და  ამ ლინკზე:

სამართლის მეცნიერთა კავშირსა და გრიგოლ რობაქიძის სახელობის უნივერსიტეტს შორის ურთიერთთანამშრომლობის მემორანდუმი გაფორმდა.

მემორანდუმის თანახმად მხარეები განახორციელებენ ერთობლივ პროექტებს სამართლის საგანმანათლებლო პროგრამის შესაბამისად.

უნივერსიტეტი და კავშირი შეთანხმდნენ, რომ მოაწყობენ ერთობლივ სამეცნიერო კონფერენციებს, აგრეთვე ტრენინგებს, საჯარო ლექციებს, სემინარებს სამართლის აქტუალურ და პრობლემურ საკითხებზე.

მემორანდუმის თანახმად განსაკუთრებული ყურადღება მიექცევა სამართლის სფეროში სამეცნიერო-კვლევითი მიმართულების განვითარებას.

2021 წლის 17 დეკემბერს „სამართლის მეცნიერთა კავშირის“ და უკრაინის ეროვნული საავიაციო უნივერსიტეტის იურიდიული ფაკულტეტის სისხლის სამართლის კათედრის თანაორგანიზებით გაიმართა სამეცნიერო პრაქტიკული მრგვალი მაგიდა „ადამიანით ვაჭრობა“.

შეხვედრას ესწრებოდნენ ქართველი და უკრაინელი მეცნიერები და პრაქტიკოსი ადვოკატები.

ღონისძიება გაიმართა მეგობრულ გარემოში. შეხვერაზე დაიგეგმა შემდგომი თანაშრომლობის გზები.

მოხსენებების შემდეგ გაიმართა დისკუსია.

ღონისძიებაზე მოხსენებებით წარსდგნენ:

მომხსენებლები:

ტატიანა ლისკო, უკრაინის ეროვნული საავიაციო უნივერსიტეტის სისხლის სამართლისა და პროცესის კათედრის დოქტორი;

ადამ მახარაძე, ბათუმის შოთა რუსთაველის სახელობის სახელმწიფო უნივერსიტეტის პროფესორი, იურიდიულ მეცნიერებათა დოქტორი;

კახა წიქარიშვილი, სამართლის მეცნიერთა კავშირის წევრი, საქართველოს საზოგადოებრივ საქმეთა ინსტიტუტის სამართლისა და პოლიტიკის სკოლის პროფესორი;

ბორის ლეონოვი, უკრაინის სპეციალური ტექნიკის და სასამართლო ექსპერტიზის სამეცნიერო კვლევითი ინსტიტუტის მთავარი მეცნიერ მუშაკი;

მიხეილ აკიმოვი, იურიდიულ მეცნიერებათა კანდიდატი, შინაგან საქმეთა ეროვნული აკადემიის სისხლის სამართლის კათედრის დოცენტი;

ანა პოლიტოვა, იურიდიულ მეცნიერებათა კანდიდატი, დონეცკის სახელმწიფო უნივერსიტეტის სახელმწიფო და სამართლის თეორიის კათედრის დოცენტი;

ვიქტორია სისოევა, უკრაინის საავიაციო უნივერსიტეტის იურიდიული ფაკულტეტის სისხლის სამართლისა და პროცესის კათედრის დოცენტი;

ნატალია სემჩუკი, უკრაინის ეროვნული საავიაციო უნივერსიტეტის იურიდიული ფაკულტეტის სისხლის სამართლისა და პროცესის კათედრის დოცენტი.

დისკუსია გაიმართა ზუმის პლატფორმით.

შეხვედრის  სრული ვიდეო ჩანაწერი ხელმისაწვდომი იქნება როგორც youtube -ზე, ასევე სამართლის მეცნიერთა კავშირის ვებ-გვერდზე.

დისკუსიის ვიდეო ჩანაწერი შეგიძლიათ იხილოთ ამ ბმულზეც:

„სამართლის მეცნიერთა კავშირი“ გიწვევთ სამეცნიერო წრეების, უნივერსიტეტების და ხელისუფლების წარმომადგენლებს, ადვოკატებს, მოსამართლეებს პროკურორებს და პრაქტიკოს იურისტებს სამეცნიერო პრაქტიკულ მრგვალ მაგიდაზე „ადამიანით ვაჭრობა“.

ღონისძიების ორგანიზატორები:

• „სამართლის მეცნიერთა კავშირი.“
• უკრაინის „ეროვნული საავიაციო უნივერსიტეტის“ იურიდიული ფაკულტეტის სისხლის სამართლისა და პროცესის კათედრა.

ღონისძიების თარიღი – 2021 წლის 17 დეკემბერი.

დრო –  17:00 სთ.

სამუშაო ენა- რუსული.

ღონისძიება გაიმართება ონლაინ, ზუმის პლატფორმით.

მომხსენებლები:

ტატიანა ლისკო, უკრაინის ეროვნული საავიაციო უნივერსიტეტის სისხლის სამართლისა და პროცესის კათედრის დოქტორი;

ადამ მახარაძე, ბათუმის შოთა რუსთაველის სახელობის სახელმწიფო უნივერსიტეტის პროფესორი, იურიდიულ მეცნიერებათა დოქტორი;

კახა წიქარიშვილი, სამართლის მეცნიერთა კავშირის წევრი, საქართველოს საზოგადოებრივ საქმეთა ინსტიტუტის სამართლისა და პოლიტიკის სკოლის პროფესორი;

ბორის ლეონოვი, უკრაინის სპეციალური ტექნიკის და სასამართლო ექსპერტიზის სამეცნიერო კვლევითი ინსტიტუტის მთავარი მეცნიერ მუშაკი;

მიხეილ აკიმოვი, იურიდიულ მეცნიერებათა კანდიდატი, შინაგან საქმეთა ეროვნული აკადემიის სისხლის სამართლის კათედრის დოცენტი;

ანა პოლიტოვა, იურიდიულ მეცნიერებათა კანდიდატი, დონეცკის სახელმწიფო უნივერსიტეტის სახელმწიფო და სამართლის თეორიის კათედრის დოცენტი;

ვიქტორია სისოევა, უკრაინის საავიაციო უნივერსიტეტის იურიდიული ფაკულტეტის სისხლის სამართლისა და პროცესის კათედრის დოცენტი;

ნატალია სემჩუკი, უკრაინის ეროვნული საავიაციო უნივერსიტეტის იურიდიული ფაკულტეტის სისხლის სამართლისა და პროცესის კათედრის დოცენტი.

ღონისძიებაში მონაწილებას მიიღებენ ასევე უკრაინის და საქართველოს სხვადასხვა უნივერსიტეტებისა, სამეცნიერო და წრეების წარმომადგენლები.

მოხსენებების ბოლოს გაიმართება დისკუსია.

ღონისძიების სრული ვიდეო ჩანაწერი ხელმისაწვდომი იქნება როგორც youtube -ზე, ასევე „სამართლის მეცნიერთა კავშირის“ ვებ-გვერდზე.

მონაწილეობის მსურველები შეგიძლიათ დარეგისტრირდეთ 2021 წლის 17 დეკემბრამდე აქ განთავსებულ სარეგისტრაციო ბმულზე  და რის შემდეგაც გამოგიგზავნით შეხვედრის ბმულს, რისი მეშვეობითაც შეძლებთ მონაწილეობას ღონისძიებაში.

„სამართლის მეცნიერთა კავშირის“ გამგეობის გადაწყვეტილებით კავშირის წევრად მიღებულ იქნა ლათინური ამერიკის ქვეყნებში ცნობილი მეცნიერი, პროფესორი და ადვოკატი ჩილედან გუსტავო ბალმასედა ჰოიოსი.
პროფესორი გუსტავო ბალმასედა ჰოიოსი გახლავთ სამართლის დოქტორი (ესპანეთი), პროფესორი, სისხლის სამართალში, ჩილეს სამართლის შემსწავლელთა ცენტრის აკადემიური დირექტორი, ადვოკატი სისხლის სამართლის სპეციალიზაციით, 40 -ზე მეტი სამეცნიერო პუბლიკაციის და წიგნის ავტორი.

ბატონი გუსტავო ჰოიოსი წელიწადია რაც თანამშრომლობს კავშირთან. იგი 2020 წლის 4 დეკემბერს და 2021 წლის 18 ნოემბერს მოხსენებით წარსდგა კავშირის და მისი გამოცემა საერთაშორისო სამეცნიერო ჟურნალი „სამართლის მაცნეს“ თანაორგანიზებით გამართულ საერთაშორისო სამეცნიერო დისკუსიაზე.

ვულოცავთ ბატონ გუსტავო ბალმასედა ჰოის სამართლის მეცნიერთა კავშირში გაწევრიანებას და ვუსურვებთ მას წარმატებებს!

ვიმედოვნებთ კავშირთან მისი თანამშრომლობა ნაყოფიერი იქნება.

2021 წლის 18 ნოემბერს „სამართლის მეცნიერთა კავშირის“ და საერთაშორისო სამეცნიერო ჟურნალი “სამართლის მაცნეს“თანაორგანიზებით გაიმართა ონლაინ საერთაშორისო სამეცნიერო დისკუსია “აუცილებელი მოგერიების და უკიდურესი აუცილებლობის აქტუალური საკითხები სისხლის სამართალში.

დისკუსია გაიმართა ზუმის პლატფორმით.

ღონისძიებაზე მოხსენებებით წარსდგნენ:

პროფესორი გუსტავო ბალმასედა ჰოიოს ჩილედან და კახა წიქარიშვილი.

პროფესორი გუსტავო ბალმასედა ჰოიოსი გახლავთ სამართლის დოქტორი (ესპანეთი), პროფესორი, სისხლის სამართალში, ჩილეს სამართლის შემსწავლელთა ცენტრის აკადემიური დირექტორი, ადვოკატი სისხლის სამართლის სპეციალიზაციით, 40 მდე სამეცნიერო პუბლიკაციის ავტორი.

აღსანიშნავია, რომ 2020 წლის 4 დეკემბერს პროფესორი გუსტავო ბალმასედა ჰოიოსი “სამართლის მეცნიერთა კავშირის” და ჟურნალი “სამართლის მაცნეს” თანაორგანიზებით გამართულ ონლაინ საერთაშორისო სამეცნიერო დისკუსიაზე წარსდგა 1 საათიანი მოხსენებით თემაზე “თანამონაწილეობის საკვანძო ასპექტები საქართველოსა და ლათინური ამერიკის ქვეყნების სისხლის სამართალში (ჩილეს მაგალითზე).”

კახა წიქარიშვილი გახლავთ სამართლის მეცნიერთა კავშირის წევრი, საქართველოს საზოგადოებრივ საქმეთა ინსტიტუტის პროფესორი.

დისკუსია გაიმართა საპილოტე პროექტ „ონლაინ სამეცნიერო დისკუსიების“ ფარგლებში.

დისკუსიაზე მონაწილებდნენ სამეცნიერო წრეების წარმომადგენლები, ადვოკატები, მოსამართლე და იურისტები.

დისკუსიის სრული ვიდეო ჩანაწერი ხელმისაწვდომი იქნება როგორც youtube -ზე, ასევე სამართლის მეცნიერთა კავშირის და ჟურნალ „სამართლის მაცნეს“ ვებ-გვერდზე.

დისკუსიის ვიდეო ჩანაწერი შეგიძლიათ იხილოთ ამ ბმულზეც:

„სამართლის მეცნიერთა კავშირი“ და საერთაშორისო სამეცნიერო ჟურნალი “სამართლის მაცნე“ გიწვევთ სამეცნიერო წრეების, უნივერსიტეტების და ხელისუფლების წარმომადგენლებს, ასევე პრაქტიკოს იურისტებს, ადვოკატებს, მოსამართლეებს და პროკურორებს, ონლაინ საერთაშორისო სამეცნიერო დისკუსიაზე “აუცილებელი მოგერიების და უკიდურესი აუცილებლობის აქტუალური საკითხები სისხლის სამართალში.“

ღონისძიება გაიმართება 2021 წლის 18 ნოემბერს, 19:00 ზე, ზუმის პლატფორმით. ესპანურ-ქართული თარგმანი უზრუნველყოფილი იქნება.

მომხსენებლები:

გუსტავო ბალმასედა ჰოიოს სალამანკას უნივერსიტეტის სამართლის დოქტორი (ესპანეთი), პროფესორი, სისხლის სამართალში, ჩილეს სამართლის შემსწავლელთა ცენტრის აკადემიური დირექტორი, ადვოკატი სისხლის სამართლის სპეციალიზაციით, 40 მდე სამეცნიერო პუბლიკაციის ავტორი.

აღსანიშნავია, რომ ჯერ კიდევ 2020 წლის 4 დეკემბერს პროფესორი გუსტავო ბალმასედა ჰოიოსი “სამართლის მეცნიერთა კავშირის” და ჟურნალი “სამართლის მაცნეს” თანაორგანიზებით გამართულ ონლაინ საერთაშორისო სამეცნიერო დისკუსიაზე წარსდგა 1 საათიანი მოხსენებით თემაზე “თანამონაწილეობის საკვანძო ასპექტები საქართველოსა და ლათინური ამერიკის ქვეყნების სისხლის სამართალში (ჩილეს მაგალითზე).”

დისკუსიაზე მონაწილეობდნენ ასევე კოლეგები ჩილედან.

კახა წიქარიშვილი – სამართლის მეცნიერთა კავშირის წევრი, საქართველოს საზოგადოებრივ საქმეთა ინსტიტუტის პროფესორი.

დისკუსია გაიმართება საპილოტე პროექტ „ონლაინ სამეცნიერო დისკუსიების“ ფარგლებში.

დისკუსიის სრული ვიდეო ჩანაწერი ხელმისაწვდომი იქნება როგორც youtube -ზე, ასევე სამართლის მეცნიერთა კავშირის და ჟურნალ „სამართლის მაცნეს“ ვებ-გვერდზე.

დისკუსიაში მონაწილეობის მსურველები შეგიძლიათ 2021 წლის 17 ნოემბრამდე დარეგისტრირდეთ აქ განთავსებულ სარეგისტრაციო ბმულზე  და გამოგიგზავნით შეხვედრის ბმულს, რისი მეშვეობითაც შეძლებთ მონაწილეობას დისკუსიაში.

„სამართლის მეცნიერთა კავშირსა“ და უკრაინის “ეროვნულ საავიაციო უნივერსიტეტს“ შორის, რომელიც მდებარეობს კიევში, ურთიერთთანამშრომლობის მემორანდუმი გაფორმდა.
მემორანდუმის მიზანია სამართლის მეცნიერებისა და იურიდიული განათლების განვითარების ხელშეწყობა ურთიერთთანამშრომლობის გზით. მემორანდუმიდან გამომდინარე იგეგმება აქტიური თანამშრომლობა კერძოდ, სამეცნიერო კვლევების და უმაღლესი განათლების სფეროში სამეცნიერო კონფერენციების, სემინარების, დისკუსიების, ერთობლივად ორგანიზება და ჩატარება, საერთაშორისო საგრანტო პროექტებში ერთობლივი მონაწილეობა, აკადემიური ლიტერატურის გაცვლა, სამეცნიერო ჟურნალებში სტატიების გაცვლა.

საერთაშორისო სამეცნიერო ჟურნალი „სამართლის მაცნე“ აგრძელებს სტატიების კონკურსს ჟურნალის მესამე (ივლისის) ნომრისთვის.

ჟურნალი გამოდის ელექტრონული სახით და ქვეყნდება ვებგვერდზე: www.heraldoflaw.com

„სამართლის მაცნე“ გახლავთ  „სამართლის მეცნიერთა კავშირი“ ს პერიოდული გამოცემა.

ჟურნალს მინიჭებული აქვს საერთაშორისო გრიფი  ISSN 2667-9434.

კონკურსის თემატიკა

ჟურნალში გამოქვეყნებისთვის, კონკურსზე მიიღება სამეცნიერო სტატიები, აქტუალურ საკითხებზე, სამართლის, ადამიანის უფლებების და სახელმწიფო მართვის თემაზე, რომლებიც შეიცავენ მეცნიერულ სიახლეს და აქვთ მაღალი სამეცნიერო ღირებულება.

ავტორები

ჟურნალში გამოქვეყნებისთვის გამოცხადებულ კონკურსში, მიიღება სამართლის დარგის ქართველი და უცხოელი მეცნიერების/მკვლევარების და დოქტორანტების სამეცნიერო სტატიები.

გამონაკლის შემთხვევებში, კონკურსში მიიღება სხვა დარგის ავტორების სამეცნიერო სტატიები, ჟურნალის თემატიკაზე, მათი აქტუალობის, მნიშვნელობის და განსაკუთრებული სამეცნიერო ღირებულებების გათვალისწინებით.

სტატიების ენა

კონკურსზე შეიძლება წარმოდგენილ იქნას სამეცნიერო სტატიები ჟურნალში გამოსაქვეყნებლად, ქართულ, ინგლისურ, გერმანულ და რუსულ ენებზე (ინგლისურენოვან აბსტრაქტთან ერთად).

სტატიების წარმოდგენის ვადა

სტატიების წარმოდგენის ბოლო ვადაა 2021 წლის 15 მაისი.

საავტორო უფლებები

ჟურნალი იცავს შემოსულ და გამოქვეყნებულ მასალებზე მატერიალურ, თუ არამატერიალურ საავტორო უფლებებს.

რედაქციის მიერ სტატიის გამოქვეყნების შესახებ გადაწყვეტილების მიღების შემთხვევაში, ავტორი ვალდებულია სტატიის გამოქვეყნებამდე ნაშრომზე განსაკუთრებული უფლება გადასცეს რედაქციას, რაც უნდა დაადასტუროს შესაბამის განცხადებაზე ხელმოწერით და რედაქციის მოთხოვნის შემთხვევაში შესაბამისი ლიცენზიის გადაცემით.

ლიცენზია არ გულისხმობს ავტორის არაქონებრივი უფლებების გადაცემას. ავტორებს უფლება აქვთ გადაამუშავონ საკუთარი ნაშრომები, თუმცა მათ ევალებათ, რომ ჟურნალი მიუთითონ როგორც პირველადი გამოცემის წყარო.

ჟურნალში ნაშრომები გამოქვეყნდება – creative commons ლიცენზიით ( CC BY CA).

აღნიშნული ლიცენზიის თანახმად შესაძლებელია ჟურნალში გამოქვეყნებული ნაშრომების გამოყენება ნებისმიერი, მათ შორის კომერციული მიზნებისათვის, მაგრამ წყაროს მითითების ვალდებულებით.

ამ ლიცენციით ნებისმიერი პირი უფლებამოსილია გააზიაროს, გაავრცელოს, გაუკეთოს რეპროდუქცია ჟურნალს და ჟურნალის ნაწილებს, მაგრამ ასევე წყაროს მითითების ვალდებულებით (მათ შორის ვებგვერდის მისამართის).

ჟურნალში გამოქვეყნებული მასალის ცვლილების შემთხვევაში აღნიშნულ პირებს ეკისრებათ ამ ცვლილების შესახებ მითითება.

ყველა ახალი ნაშრომი, რომელიც დაფუძნებული იქნება ამ ჟურნალში გამოქვეყნებულ მასალაზე, ლიცენზირებული უნდა იყოს იმავე პირობებით როგორც ჟურნალში მითითებული გამოყენებული მასალა.

ჟურნალში აღინიშნება creative commons ლიზენცის თაობაზე.

სტატიების მიღების წესი

კონკურსში მონაწილეობის მისაღებად, გთხოვთ სტატიები გამოაგზავნოთ შემდეგ ელექტრონულ ფოსტაზე: info@heraldoflaw.com

ავტორი სტატიასთან ერთად  აგზავნის ავტორის დეკლარაციის ფორმას შევსებულს  მიბმული ფაილის სახით, ასევე მის შესახებ მოკლე ინფორმაციას და საკონტაქტო მონაცემებს, რომელიც შეინახება რედაქციის არქივში.

სტატიის ატვირთვა და ჟურნალის ელ.ფოსტაზე გამოგზავნა შესაძლებელია ასევე ჟურნალის ვებგვერდზე.

სტატია გამოგზავნილი უნდა იყოს დადგენილი სტატიების გაფორმების წესის შესაბამისად.

რედაქცია ამოწმებს წარდგენილი ნაშრომის შესაბამისობას, სტატიების გაფორმების დადგენილ წესთან.

რედაქცია არ მიიღებს და არ განიხილავს სტატიას, რომელიც არ იქნება ამ წესის დაცვით შესრულებული და რომელიც არ შეესაბამება სტატიების პუბლიკაციის ეთიკის სტანდარტებს. რედაქტორს, ასეთ შემთხვევაში, თუ საჭიროდ და შესაძლებლად ჩათვლის რეცენზენტებთან გაგზავნამდე, შეუძლია ავტორს მისცეს რეკომენდაციები და შესთავაზოს სტატიის გაფორმება დადგენილი წესის შესაბამისად, რისთვისაც მას განუსაზღვრავს დროს. ავტორის მიერ რედაქციის რეკომენდაციების სრულად გათვალისწინების შემთხვევაში, სტატია მიიღება განსახილველად.

სტატიის ჟურნალის რედაქციაში გამოგზავნით, ავტორი ადასტურებს, რომ ის გაცნობილია და ეთანხმება ჟურნალის სტატიების პუბლიკაციის ეთიკას, კონცეფციას, სტატიების კონკურსის წესს და სტატიების გაფორმების წესს.

ავტორმა, ჟურნალში სტატიის გამოქვეყნებამდე, საკონტაქტო ინფორმაციის შეცვლის შემთხვევაში, დროულად უნდა აცნობოს მისი ახალი საკონტაქტო ინფორმაცია. წინააღმდეგ შემთხვევაში, ნებისმიერი შეტყობინება გაიგზავნება თავდაპირველ ელექტრონულ მისამართზე ან მის საკონტაქტო ტელეფონზე და ჩაითვლება ჩაბარებულად.

რედაქციის პასუხისმგებელი თანამშრომელი თავად დაუკავშირდება სტატიის ავტორს (რამდენიმე ავტორის მიერ წარმოდგენილი სტატიის შეთხვევაში კი ერთ -ერთ ავტორს).

სტატიების განხილვის წესი

ავტორის მიერ გამოსაქვეყნებლად წარდგენილი სტატია, შესაფასებლად, ეგზავნება ორ რეცენზენტს, რომელსაც ირჩევს მთავარი რედაქტორი ან მისი დავალებით რედაქტორი.

რეცენზირება ხდება სტატიის რეცენზირების დადგენილი წესის თანახმად.

სტატიის რეცენზირება წარმატებით გავლილად მიიჩნევა, ორივე დადებითი რეცენზიის მიღების შემთხვევაში.

კონკურსის შედეგები

ჟურნალში გამოქვეყნდება ის სტატიები, რომლებიც მიიღებენ ყველაზე მაღალ ქულებს რეცენზირების შედეგად.

ჟურნალში გამოქვეყნდება სულ 15 სამეცნიერო სტატია.

სტატიების კონკურსს მიღმა დარჩენილი ნაშრომები, მათი ავტორების თანხმობის შემთხვევაში, მიიღებენ მონაწილეობას შემდეგ გამოცემისთვის გამოცხადებულ სტატიების კონკურსში. ამისთვის ავტორებს აღარ დასჭირდებათ თავიდან ამ სტატიების რედაქციაში გამოგზავნა. ასევე, აღნიშნული სტატიები აღარ გაივლიან რეცენზირებას და მათ უნარჩუნდებათ წინა კონკურსში რეცენზენტების მიერ შეფასებული ქულები.

რეფერირება და ინდექსირება

ჟურნალი რეფერირდება ინსტიტუტ ტექინფორმის ქართულ რეფერატულ ჟურნალში (ქრჟ).

ჟურნალი ინდექსირდება 2 გლობალურ საერთაშორისო სამეცნიერო ბაზაში: ISI (International scientific indexsing) და ROAD 

დამატებითი ინფორმაციისთვის დაგვიკავშირდით: მობ. 599177573; ელ-ფოსტა: info@heraldoflaw.com

დანართი

ავტორის დეკლარაციის ფორმა